Bodarfoel

Mae ystyr yr enw Bodarfoel yn eitha eglur : ‘bod’ yw preswylfod, cartref, lle i fyw. Mae’r cartref ar y foel ym mhen draw’r penrhyn yn ddisgrifiadol addas.

Bodolfoel : 1841(Ardal 13 rhif 59)

John Griffith, 45 oed, ffermwr

William Griffith, 30 oed

Robert Griffith, 15 oed, ‘miner’?

Moses Griffith, 14 oed

Elinor Thomas, 40 oed, F S (farm servant)

Gwen Jones, 15 oed, F S

Bodervoel : 1851 (Ardal 7c rhifau 25 a 26)

1.      William Jones, penteulu, prïod, 39 oed, yn ffermio 17 acer, g Llanengan

Jane, ei wraig, 30 oed

John, eu mab, 3 oed

Ellen, eu merch, 6 mis oed

Ar 20 Mai 1841 claddwyd Griffith Jones, Bodarfoel yn 26ain oed. A oedd yn frawd i William uchod dybed?

 

2.     John Griffith, penteulu, prïod, 58 oed, yn ffermio 17 acer, g. Aberdaron

Ellen, ei wraig, 42 oed, g. Bottwnog

Jane, eu merch, 4 oed, g. Llanengan

Boderfoel : 1861 (Ardal 17 rhif 69)

William Jones, 50 oed

Jane, ei wraig, 41 oed

John, eu mab, 13 oed

Eleanor, eu merch, 10 oed

Robert, eu mab, 7 oed

William, eu mab, 4 oed

Evan, eu mab, 1 oed 

Bodarfoel : 1871 (Ardal 17 rhif 91)

William Jones, penteulu, prïod, 58 oed, yn ffermio 40 acer (bu farw 21 Medi 1880 yn 70ain, bedd A031 Eglwys Llanengan)

Jane, ei wraig, 57 oed

John, eu mab, 23 oed, dibrïod, ‘labourer’

Ellen eu merch, 20 oed, dibrïod

Robert, eu mab, 18 oed

William, eu mab, 15 oed

Evan, eu mab, 12 oed

Bodorfoel : 1881 (Ardal 17 rhif 91)

Jane Jones, penteulu, gweddw, 59 oed, gweddw’r ffermwr

John, ei mab, dibrïod, 33 oed, ‘leadminer’

Ellen, ei merch, 30 oed, ‘dressmaker’

Robert, ei mab, 27 oed, ‘farm servant’

Evan, ei mab, 21 oed, ‘farm servant’

Bodyfoel : 1891 (Ardal 17 rhif 24)

Jane Jones, penteulu, gweddw, 70 oed, g Llanengan (bu farw 21 Ebrill 1897 yn 77 ml, A031)

John, ei mab, dibrïod, 42 oed, ‘farm labourer’

Ellen, ei merch, dibrïod, 40 oed, ‘housekeeper’

Robert, ei mab, dibrïod, 37 oed, ‘farm labourer’

Evan, ei mab, dibrïod, 32 oed, ‘farm labourer’

Bodor Foel : 1901 (Ardal 16 rhif 52)

John Jones, penteulu, dibrïod, 53 oed, ffermwr

Ellen, ei chwaer, dibri2od, 50 oed

Robert, ei frawd, dibrïod, 47 oed, ‘agricultural labourer’

Evan, ei frawd, dibrïod, 41 oed, ‘agricultural labourer’

Bodrfoel : 1911 (Adran 14 rhif 102/175)

Robert Jones, penteulu, dibrïod, 56 oed, ffermwr

Evan, ei frawd, dibrïod, 51 oed, gweithiwr ar y fferm

Ellen, ei chwaer, dibrïod, 59 oed, gwaith tŷ

Bodyfoel : 1921 (Adran 03. 19.20.21. rhif 628/644)

Ellen Jones, penteulu, 69.0 oed, ‘gwaith tŷ’

Robert, ei brawd, 65.11 oed, ffermwr

Evan, ei brawd, 60.7 oed, ‘efo’i frawd ar y fferm’

Mae’n amlwg mai eglwyswyr oedd y teulu yn wreiddiol gan i gofnod bedydd Robert ddangos iddo gael ei fedyddio yn Eglwys Llanengan ar 8 Gorffennaf 1853. Ac ym mynwent yr Eglwys y’i claddwyd. Bu farw 10 Mawrth 1929 yn 75 oed (bedd D062) ac Evan yn ei ddilyn ar 24 Gorffennaf 1933 yn 73 oed, yntau yn yr un bedd.

Ond cawn bod Ellen Jones ar lyfrau’r capel ym 1914 a chyfrannodd yn gyson anrhydeddus tan 1924 pan fu farw yn 73 oed ar 20 Awst. Claddwyd hi gyda’i rhieni ym mynwent yr Eglwys (bedd A031) a chafwyd cyfeiriad teilwng ati a’i ffyddlondeb i gyfarfodydd y capel yn Adroddiad 1924 gan y gweinidog, H D Lloyd.

Mae’n debyg i Evan barhau i fyw ym Modarfoel tan ei farwolaeth ym 1933, gan ei bod yn 1935 ar William Charles Williams a Dora yn symud yno o Benymynydd yn ôl Adroddiad 1935. A disgynyddion y teulu hwn sydd ym Modarfoel hyd heddiw. (Gellir cydio’r teulu hwn gyda chenhedlaeth flaenorol a theulu estynedig yn Nodiadau Castell, Cilan 4.)

                                                *****************